Totu sos chi sunt residentes in sa provìntzia de Aristanis, fintzas a su 31 de trìulas podent fàghere su vatzinu in domo si tenent prus de otanta annos o si nde tenent prus de sessanta e tenent fragilidade manna e chi tenent dificultade, ca non caminant o àteru, a andare a si vatzinare in unu tzentru in ue faghent sos vatzinos. Duncas, custas sas persones, chi est mègius fatzant sa de tres o de bator doses de vatzinu, podent prenotare de si vatzinare in domo iscriende a sa posta eletrònica de su Servìtziu de Igiene e sanidade pùblica de sa Asl n. 5 a s’indiritzu: igienepubblica.oristano@asloristano.it
In sa posta eletrònica si depet iscrìere su nùmene e su sambenadu de sa persone de vatzinare, su còditze fiscale suo, s’indiritzu in ue bivet, unu nùmeru de telèfono pro tzirriare pro fissare s’apuntamentu.
(MM)
