Est s’Aristanesu, paris cun su Sulcis-Igresiente, su logu prus segrestadu dae sos turistas chi benint in vacàntzia in Sardigna. Est su chi est essidu a campu dae sos controllos fatos in portos e aeroportos dae sa Politzia de Istadu chi custu istiu at cunfiscadu 72 chilos de rena e de pedrighedda e pagu prus de 2 chilos de conchìgios a sos passigeris (màssimu a sos furisteris) chi cheriant mòvere dae Sardigna cun custa cosa furada de valore, bene cuada in mesu de sos bagàllios.
Su materiale cunfiscadu at a èssere a disponimentu de sa Guàrdia Forestale.
In s’istiu, chi ocannu at sighidu finas a pagas chidas a como, sos agentes de sa Politzia de Frontera ant fatu 56 verbales, pro unu totale de 56.560 èuros de multa.
Chie nche furat, custoit o bendet cantidades finas piticas de rena, pedrighedda, pedra o conchìgios leados dae mare o dae oros de mare sena autorizatzione est sugetu a multa amministrativa intre sos 1.000 e sos 9.296 èuros.
(GF.P.)
