Sa Giorronada Internatzionali po sperdi sa violèntzia contras a is fèminas dda at istuida s’Assembrea Generali de is Natzionis Unidas in su 1999 cun resolutzioni 54/134 de su 17 de su mesi de idas de su 1999.
Arregordendi sa morti, in su 1960, de is sorris Mirabal (connotas comenti a “Las Mariposas”), de sa Repùblica Dominigana, chi agentis de su Servìtziu de informatzioni militari iant violentau, malitratau e bocidas a corpus de fusti e ghetadas, in màchina, in unu sperrumu, s’ONU at decidiu su 25 de onniasantu sa dii de dedicai a custa giorronada po sensibilizai s’opinioni pùblica asuba de s’importu de su respetu de is fèminas e de su non usai violèntzia peruna.
Sa violèntzia de is fèminas abarrat una de is violatzionis de is deretus umanus prus lègias e spaniadas in su mundu.
Tocat a totus (istitutzionis, scola, famìllia in antis a totus) a cumbati custu problema, pesendi-ndi is pipius/piciocheddus a su respetu e denuntziendi cali si siat forma (fìsica, psicològica e àteru) de maliori de gèneri.
