Sa giorronada mundiali po s’amparu de su pillu de s’ozonu dda at istituida in su 1994 s’Assembrea Generali de is Natzionis Unidas, decidendi custa dii po mori ca su 16 de cabudanni de su 1987 iant ratificau su Protocollu de Montreal chi inditàt is sustàntzias chi noxiant a s’ozonosfera e ndi marcàt sa manera de ddas ismartiri.
In prus custu tratau incarrigàt a is Paisus chi ndi faiant parti de amenguai sa produtzioni de cussas sustàntzias dannosas, comenti a su clorofluorocarburus chi si usàt po is solventis e refrigerantis.
Su stampu de s’ozonu est unu perìgulu ambientali chi prus s’òmini timit, su pillu de s’ozonu serbit a oprigai sa genti de is rajus ultravioletus de su soli.
Gràtzias a s’acòrdiu de Montreal su stampu s’est amenguau e sa Giorronada mundiali serbit a sarvaguardai su pillu chi non fait a ndi fai de mancu po bivi in sa Terra.
