Arruit su 28 de su mesi de argiolas sa Giorronada regionali de sa memòria de is vìtimas de is fogus in Sardigna.
Istituita cun L.R. n.13 de su 30 de làmpadas de su 2011 est ocasioni po:
- arregordai a totu is chi ant pèrdiu sa vida gherrendi contras a su fogu in terra sarda;
- ammostai arreconnoscèntzia de su pòpulu sardu avatu a totu cussus chi
donant una manu de agidu me in campànnias contras a su fogu;
- incorai, spaniai e favoressi in sa comunidadi regionali, in mesu a totu me in is piciocus, su balori de sa tutela de sa vida in ònnia bisura naturali sua, de rispetu de is leis, de s'altruismu e de sa soledadi, chi ispirant s'atzioni de chi s'est incarrigau e s'incàrrigat, finas ponendi in perìgulu sa vida sua, in sa gherra contras a su fogu.
Fiat su 1983, candu su 28 de su mesi de argiolas fiant mortus in 9 po nexi de su fogu chi iat abruxau “Curragghia”, acanta de Tèmpiu.
E meda àterus ndi funt mortus.
Elencu mortus finas a su 2014
