Già è poco loffio: non fa a vederlo! Sunt unos cantos addòbios online dedicados a s’italianu regionale de Sardigna a incuru de Antonio Ignazio Garau. Su Tzentru Servìtzios Culturales UNLA de Aristanis, paris cun L'altra cultura - Sotziedade cooperativa, at incomintzadu unas cantas puntadas curtzas dedicadas a s’argumentu e chi ant a èssere unu percursu lessicale, fonèticu, morfològicu e sintàticu de su repertòriu linguìsticu sardu.
Ischeda biogràfica de su curadore
Tradutore-interprete in àmbitu giurìdicu-giuditziariu penale e giurìdicu- amministrativu traballat cun sas limbas sarda e italiana; espertu trascridore de testos orales in àmbitu giurìdicu-giuditziàriu penale; operadore didàticu in limba sarda; dotzente de sardu in sos cursos de formatzione pro su personale de s’Amministratzione Pùblica; giornalista publitzista; ideadore e condutore de programmas in sardu in sa ràdio e in sa televisione.
(MM)
