Su 15 de nadale 2022 sa ASL organizat in Aristanis un’eventu formativu intituladu “Gioghende… faghide su Giogu nostru / Giocando… fate il nostro Gioco”, pro cumbàtere sa maladia de su vìtziu de su giogu. S’initziativa est pro sos istudiantes aristanesos dae sos 13 a sos 18 annos, sa populatzione e sos operadores de su Dipartimentu de Salude Mentale e Dipendèntzias.
S’initziativa est previdida dae su Pianu Regionale Giogu de Azardu Patològicu (GAP) Sardigna. Sa responsabilidade iscientìfica de su progetu, chi est ativu in totu su territòriu regionale, est de sa diretora de su Dipartimentu de Salude Mentale e Dipendèntzias – Zona Sud e de su Tzentru pro su Tratamentu de sos Disturbos Psichiàtricos acapiados a Alcol e Giogu de Azardu Patològicu, Graziella Boi.
S’initziativa est partzida in atividades diferentes chi ant a incomintzare dae su mangianu in sas iscolas.
(MM)
