In sas dies bellas de s’istiu, pro si pausare e pro chircare friscu, si cuncordant essidas pro passare su tempus in buscos e pinetas. Est de importu chi sa presèntzia de famìllias e tropas de gente non guastent s’ambiente, non fatzant dannu e chi – nen pro sas persones e nen pro sa natura – bi siant perìgulos. Tocat a dare atentu pro s’incuinamentu e pro sos fogos.
- Non si depet fàghere su fogu (pro arrustire, coghinare o ite) in sos buscos, in sas pinetas ma fintzas in su sartu cun fenu artu o erba sica. In logu seguru bisòngiat de dare atentu a sa pampa, chi non siat arta e chi non bolet ischintidda e in antis de si nche andare tocat a èssere seguros chi su fogu e sa bràsia siant istudados bene.
- Sas tzicas o luminos allutos non si depent fuliare in terra o dae sa màchina e fintzas istudados imbrutant su logu.
- Cando si firmat sa màchina in su sartu est bene controllare chi sa marmita non tochet s’erba sica ca diat pòdere leare fogu.
- S’àliga, cale si siat, si nche depet torrare a domo: imbrutat, acudint sos animales e cun su callentu faghet fragu malu e sas bomboleddas de gas, deodorante, insetitzida e àteru podent iscopiare e pigare fogu.
- Est bene de chircare e si firmare in giassos atretzados.
1515 est su nùmeru de su servìtziu de amparu dae su fogu; su servìtziu est ativu die e note.
(MM)
