In Làconi agataus unu de is prus bellus parcus de Sardigna: su parcu Aymerich, chi ingìriat totu sa bidda isterre-ndi-sì po prus de 22 ètarus de padenti, moris e spèndulas. Intrendi-nci aintru, is abbisitadoris podint atobiai matas secularis, àcua frisca, arruinas medievalis e froris e matas raras.
Passillendi aintru de sa bidda si podit abbisitai su santuàriu de Santu Fra Nàtziu de Làconi, unu de is paras prus adoraus de Sardigna. A pagu tretu dae su santuàriu si ndi strantaxat su palatzu Aymerich, unu fràigu de s’otuxentus fatu de s’architetu Gaetano Cima, e chi a movi de su 1846 e finas a su 2000 est stètiu sa dimora de is marchesus de Làconi.
Immoi su palatzu acasàgiat su Museu de is istàtuas Menhir, chi sunt stètias una de is primas provas chi iat fatu s’òmini de sa preistòria de afigurai issu etotu.
In Làconi eis a agatai binu bellu meda, durcis e cosa bona de papapi chi ant a èssiri unu motivu in prus po abbisitai custa bella bidda, chi at tentu non de diora sa bandera colori de aràngiu de su Touring club italiano.
