In Aristanis ocannu puru torrat su festival Fàulas, apariciau de ANS. Duas diis po ndi bogai unas cantu crièntzias asuba de is sardus e de sa cultura sarda.
Fàulas circat de cumprendi chini seus nosu sardus, ita pensaus de nosu, chini at contau e contat sa stòria nosta.
Fàulas at a èssiri su 5 e 6 de ladàmini in Aristanis; poita Aristanis? Poita ca s'gatat in mesu a sa Sardigna e po su valori chi tenit in sa stòria sarda. Su festival at a interessai finas is atividadis econòmicas, e localis meda ant a arriciri is atòbius.
In programma nci sunt, giogus, atividadis, intervistas, bisitas ghiadas, dj set, mùsica e degustatzionis de cosa bella de papai e bufai, cumbidadas dae is atividadis de Aristanis.
S'atòbiu de prus importu at a èssiri de seguru Talk; sunt monòlogus de 10-15 minutus fatus da spertus de cultura e sociologia sarda ch nd'ant a sciusciai unas cantu crièntzias a pitzus de is sardus e de sa Sardigna.
A suta si poneus su programma de Fàulas.
Sàbudu, su 5 de ladàmini:
Cumentzat su festival, cun s'inauguratzioni de una ammosta de pintura.
11.00: Filosofia de Logu si presentat a is iscolas.
15.00: Caras ispantadas! Is fàulas pintadas de is pipius
15:30: La Sardegna oltre al mare, Fabrizio Bibi Pinna e Alessandra Cossu – Teatro de Santu Martinu.
17.30: ANS TALK in su Teatru Garau:
- "Sa Sardigna est una sotziedadi matriarcali!" Fàula? - Lisa Ferreli
- "Sa Sardigna iat a podi bivi de turismu?" Fàula? - Luana Elena Cau
- "In Sardigna non nc'at nudda?" - Fàula? - Jessica Cani
- "Sa Sardigna est una terra aresti?" - Fàula? - Matteo Cara
- "Sa murra est unu giogu de òminis, de ruzus, de arretraus!" Fàula? – Fabrizio Vella
20.00: cena cun is sòtzius de ANS – Teatru de Santu Martinu
21.00: Forelock acoustic set ft. Raffaele Puglia - Live Music – Teatru de Santu Martinu
Domigu, 6 de ladàmini
10.00: Cara a cara
- “Si bolis fai su circadori depis andai foras de sa Sardigna" – Fàula? - Francesca Loi “Astrollica
- “In Sardigna, cun s’arti non si màndigat!” - Fàula? - Mauro Patta
15.30: Proietzionis de “Versi paralleli”, de Marco Lutzu - Teatru de Santu Martinu
17:30: Il Pubblico Bene - Teatru de Santu Martinu
20:00. Arrogalla Live Concert - Teatru de Santu Martinu
