Aristanis atòbiat is atletas olimpiònicus cosa suus, a sa vigìlia de sa partèntzia a Parigi.
Lorenzo Patta e Stefano Oppo ant a èssiri is protagonistas mannus de su cunvènniu “Aristanis a is Olimpìadis”, cuncordau dae s’Assessorau a su Sport de su Comunu, a manu de pari cun sa Fundatzioni Aristanis e sa Pro Loco.
S’atòbiu s’at a fai in s’Auditorium San Domenico, cenàbura su 21 de su mesi de làmpadas a is cincu e mesu de merì. A s’eventu sunt cumbidaus totus is chi bolint pigai parti e at a èssiri unu merì arricu de interventus, a movi de is sotziedadis chi nd’ant pesau Patta e Oppo, finas a arribai a is atletas aristanesus chi ant pigau parti a is olimpìadis in su tempus passau.
Prima de su cunvènniu at a èssiri incingiada una ammosta a pitzus de s’Atlètica Aristanis, cuncordada dae sa sotzieddai etotu. S’atobiada est previdida martis su 18 de su mesi de làmpadas a is ses de merì a su teatru de Santu Martinu. S’ant a ammostai finas trofeus, fotografias, artìculus de giornali chi arremonant is fainas isportivas de sa sotziedadi.
Eus cuncordau custu atòbiu prima de sa partèntzia a is olimpìadis po fai intendi a is atletas nostrus totu s’afetu de sa tzitadi de Aristanis, ant nau su sìndigu Massimiliano Sanna e s’Assessori a su Sport Antonio Franceschi
