Su comunu de Biddobrana cuncordat po s’11 de su mesi de maju una gita a Bosa po is chi tenint prus de 65 annus e sunt residentis in sa bidda.
Ant a podi pigai parti finas is pobiddus e pobiddas de is chi tenint is recuisitus.
S’atòbiu est a is 7:45 in su matatòiu bèciu. A is 8.oo s’at a movi de Biddobrana e s’arribu a Bosa est prevididu po is 10.
S’at a podi abbisitai su Museu de is Còncias, s’at a podi fai su giru de su Temu in scafa, o fai unu giru de su tzentru stòricu de Bosa a treninu. Totu is atividadis sunt a càrrigu de is partecipantis.
A sa una s’at a andai a prandi a su ristoranti “I Giardini Malaspina”. A is cincu e mesu de merì s’at a partì de Bosa faci a Biddobrana.
Sa cuota de partecipatzioni po su pràngiu est de € 35,00.
Is mollus de iscritzioni tocat a ddus cunsinniai lunis 6 de maju de is dexi a mesudì e mèrcuris 8 de maju de is cincu e mesu a is seti e mesu de merì, a is impiegaus de su comunu de Biddobrana.
Is mollus fait a ddus arritirai in is ufìtzius comunalis o a ddus scarriai dae su giassu in lìnia de su comunu.
