Sunt torrendi a funtzionai e sunt sinnaladas cun cartellonìstica dedicada is cuàturu àreas po canis in sa praja de Santu Giuanni, de Maimoni, Portu S’uedda e Funtana Mèiga.
S’amministratzioni ghiada de su Sìndigu Abis s’est sèmpiri interessada a sa chistioni , prusatotu in s’istadi candu in tempus de fèrias incapitat bortas meda de biri canis abbandonaus dae is meris.
Sa mapa de is àreas intregadas a is canis ddas podeis castiai in su situ istitutzionali de su comunu e me in is aplicatzionis po telefuneddus Municipium e MuvinCabras e finas in su situ www.baibau.it, su canali pensau e fatu dae s’amministratzioni comunali chi circat de interessai sa genti a s’adotzioni de is canis de su canili.
Po ndi sciri de prus, podeis sighiri custu link: tinyurl.com/8fcy95rs o scarriai s'app Municipium.
