Torrat a movi in Crabas su servìtziu comunali istadiali intregau a is piciocheddus e a is pipius. Si tzèrriat “E-stiamo insieme 2024”. Is servìtzius sunt pensaus po is pipius e piciocheddus chi frecuentant sa scola primària e segundària de primu gradu, nàscius tra su 2010 e su 2017; atividadis de ricreu, sportivas e culturalis chi ant a permìtiri a is babbus e mammas de sighiri a traballai sena strobu e ant a donai a is chi ant a pigai parti ocasionis po si spassiai.
Is giòvunus de Crabas ant a fai atividadis de giogu e de sport, spiaggia day e bessidas, de su lunis a sa cenàbura de is otu e mesu a sa una, a movi de mèrcuris su12 de su mesi de làmpadas e finas a su 31 de su mesi de argiolas.
Is genitoris e is piciocheddus ant a podi finas detzidi de pigai parti a is atividadis po duas, tres o cincui diis a sa cida.
Is costus s'ant a stabilessi sighendi s'indicadori ISEE. Si una famìllia tenit prus de unu pipiu chi pigat parti, su costu at a èssiri smenguau de su dexi po centu a movi de su segundu chi pigat parti.
Sa domanda tocat a dda presentai in su mollu intregau, chi fait a ddu mandai feti in pdf inditendi in s'ogetu de sa mail “Domanda E-stiamo insieme 2024”, mande.ndi.ddu a s'indiritzu protocollo@pec.comune.cabras.or.it
Sa domanda si podit presentai finas a s'ufìtziu de su protocollu de su lunis a sa cenàbura de is dexi a mesudì e sa giòbia a pustis pràndiu de is tres e mesu a is cincu. Tocat a mandai sa domanda intra de su 3 de su mesi de làmpadas a mesudì.
