Su Comunu de Crucuris at publicau su bandu “Contributus po su sport A.S. 2023/2024” (po sa simana chi movit de su mesi de cabudani 2023 finas a su mesi de argiolas 2024).
Ndi podint gosai totus is tzitadinus chi sunt residentis in su Comunu de Crucuris e chi in s'annu sportivu chi pertocat su bandu, ant fatu atividadi sportiva po asumancu 5 mesis de sighida.
S'agiudu s'at a cuntzedi feti a is chi faint sport in assòtzius sportivus diletantìsticus, federatzionis sportivas acreditadas e entis de promotzioni sportiva.
Non s'at a donai su contributu a is chi faint atividadi sportiva in arretòrius, assòtzius de beneficièntzia, volontariau, trumas e comitaus spontaneus, pro loco o garas sena de èssiri scritus a una federatzioni riconnota.
Su contributu s'at a cuntzedi a totus is chi ndi faint domanda e tenint is recuisitus, sighendi s'ISEE.
Is istàntzias tocat a ddas intregai intra de su 15 de su mesi de onnisanti de su 2024 ; si podint mandai cun pec a s'indiritzu protocollo.curcuris@legalmail.it o a manu a s'ufìtziu de su protocollu intra de is ùndixi de mangianu de su 15 de onnisanti. Sa domanda tocat a dda fai imperendi su mollu itregau chi est a disponimentu me in is ufìtzius comunalis e in su situ istitutzionali de su comunu de Crucuris.
