Su comunu de Prammas fait a sciri ca fait a fai is pre iscritzionis a is atividadis prevididas po s'istadi. Tocat a ddas fai po podi definiri cantu diis s'ant a podi fai, ma ant a èssiri prus o mancu cuatru cidas in totu.
Is chi faint sa pre iscritzioni ant a tènniri sa prioridadi; is chi non dda faint ant a podi pigai parti a su servìtziu feti chi abarrat logu.
Po is pipius de sa scola de s'infàntzia su servìtziu s'at a fai cincu diis a sa cida, po 4,5 oras e s'at a cumentzai , pensaus, su primu de su mesi de argiolas finas a su 26 de su matessi mesi.
Po is pipius de sa scola primària, si pensat de fai cumentzai su servìtziu su primu de su mesi de argiolas, po 4 cidas; cincu diis a sa cida po 4,5 oras a sa dii.
Podint pigai parti a su servìtziu:
-
is minoris residentis in Prammas e chi andant a sa scola de s'infàntzia o primària;
-
is minoris non residentis ma chi andant a sa scola primària de Prammas, finas is chi ant a intrai in prima in su mesi de cabudanni de su 2024;
-
is minoris non residentis chi andant a sa scola de s'infàntzia de Prammas e chi tenint unu fradi o una sorri chi andat a sa primària de Prammas.
Is cuotas po podi gosai de su servìtziu sunt custas:
-
€. 70,00 po is minoris residentis, impiticau de €. 5,00 po ònnia àteru fillu;
-
€. 100,00 po is minoris non residentis, impiticau de €. 5,00 po ònnia àteru fillu.
Su mollu de pre iscritzioni depit arribai in comunu intra de su 26 de maju de su 2024.
Po àterus informus podeis abbisitai su giassu in lìnia de su comunu de Prammas.
http://comune.palmasarborea.or.it/istanze-online/istanza-dettaglio/2733407
