In Samugheo, in su Museu Ùnicu Regionale de s’Arte Tèssile Sarda - MURATS, fintzas a su 24 de trìulas 2022 at a abarrare aberta sa mustra "DESIGNERS. Ideas e progetos pro s'artigianadu sardu”. In sa mustra a incuru de Baingio Cuccu e Anna Rita Punzo e inaugurada su 4 de làmpadas, sos visitadores podent bìere documentos de su protzessu chi s’acumprit in sa profetosa creatividade de s’artigianadu sardu modernu, dae s’idea a s’ogetu acabbadu: botzas, disegnos, progetos e àteru.
Cun s'editzione 2022 incomintzat un’eventu chi at a èssere ogni duos annos, in armonia cun sas atividades de su Museu MURATS e chi tenet sa punna de connòschere sas energias noas e chi mirant a sa novidade in su patrimòniu de s’artigianadu contemporàneu e artìsticu.
Oràrios pro visitare sa mustra:
dae su martis a sa domìniga, fintzas sas dies de festa: 9:30 - 13:00 (su martis 10-13) e 17:00 - 20:00.
Pro informatziones:
MURATS Museu Ùnicu Regionale de s’Arte Tèssile Sarda
Carrera Bologna, s.n.tz.- 09086 Samugheo (Aristanis)
Posta eletrònica: museomurats@gmail.com
Situ web:www.murats.it
Facebook: www.facebook.com/museomurats
Tel. 0783 631052
(MM)
