Mèrcuris 07 de nadale, a sas 05,30 de merie, in sa sala de su Tzentru Servìtzios Culturales UNLA de Aristanis, pro su de duos addòbios cun SA RESISTÈNTZIA IN TZELLULÒIDE - LA RESISTENZA SU CELLULOIDE (sa de VII EDITZIONES) at a èssere projetadu The Forgotten Front – La Resistenza a Bologna (2020), unu film de Paolo Soglia, Lorenzo K. Stanzani
Partétzipat Daniele Sanna.
Est unu documentàriu chi pro sa Resistèntzia in Bologna, sa tzitade prus manna de su Nord de Itàlia in sa lìnia de su fronte, contat sa gherra de sos Alleados dae su 1943 a su 1945, s’ocupatzione tedesca de sa tzitade in su perìodu de sa Repùblica de Salò e a manera òvia sa gherra de liberatzione fata dae sos partigianos e dae sa populatzione chi ddos agiudaiat.
Fatu cun filmados de època, est frutu de una chirca fata cun impignu chi at permìtidu de recuperare materiales tzinematogràficos e fotogràficos inèditos dae medas archìvios italianos e internatzionales, comente sas ripresas de sos bombardamentos e de sa liberatzione fatas dae su cineamatore giòvanu meda, Edo Ansaloni, o sa secuèntzia de fotografias de pratza Maggiore de su 21 de abrile 1945, chi, essende in antis bòida, si prenet a sa notìtzia de s’arribu de sos Alleados.
Sa seriedade de sa ricostrutzione est garantida dae sa collaboratzione de sos istòricos intervistados (Luca Alessandrini, Luca Baldissara, David W. Elwood, Toni Rovatti), chi ghiant s’ispetadore ponende ogni cosa in sa situatzione istòrica sua.
(MM)