Su Museu Diotzesanu Arborense at inauguradu su 28 de santugaine sa mustra AURUM URENS de s’artista Michele Ardu. Cun fotografias e isculturas, s’artista ponet in mustra su valore de sa natura e sos dannos mannos de sos fogos cando tocat sa natura etotu. In sa mustra b’est linna agreste chi, tocada dae su fogu, bogat a pìgiu sos dannos de sa distrutzione ma fintzas sa gherra de sa natura chi renesset a bìnchere custa cumbata.
In antis de Aristanis, custa mustra dd’ant giai fata in su Palatzu Pùblicu de Siena.
Sa mustra, chi tenet su patrotzìniu de sa Presidèntzia de sa Regione Autònoma de Sardigna, de sa Forestale e de s’Assòtziu Culturale Oristano e Oltre, si podet visitare su mèrcuris in s’oràriu 10 – 13, sa giòbia, chenàbura, sàbadu e domìniga in s’oràriu 10 – 13 e 17 – 20, fintzas a su 29 de ghennàrgiu 2023.
Michele Ardu (n. 1986) est un’artista italianu chi traballat in Londra. A s’incomintzu de sa carriera artìstica sua, Michele Ardu s’at fatu un’esperièntzia manna e at tentu s’atentzione internatzionale publichende su traballu suo in totu su mundu (at traballadu in prus de 10 editziones diferentes de NationalGeographic). "In Re Quieta" est sa prima chirca fotogràfica artìstica sua: una regorta de fotografias chi contat su raportu de Òmines e Caddos e sos mundos de custa istòria antiga de amore premiada, publicada e presentada a livellu internatzionale (Palace House, su Museu Natzionale de sas cursas de sos caddos -Newmarket (Regnu Unidu, 2019); ADNEC (Abu Dhabi NationalExhibition Centre, 2017); PhotoLondon in s'Istitutu Italianu de Cultura de Londra, 2018). Laureadu in Ingegneria Biomèdica, s’artista interessadu a s’impreu de sa màchina fotogràfica at incomintzadu a fàghere isperimentatzione, fintzas cun sa mùsica. Michele Ardu at traballadu in 4 Continentes e sos traballos suos, publicados e postos in mustra a livellu internatzionale, si agatant in colletziones privadas de amantiosos de s’arte e de unas cantas famìllias reales de s’Oriente Mèdiu.
Cuntatos:
MUSEU DIOTZESANU ARBORENSE
Pratza Duomo 1 - 09170 Aristanis – Telèfono: +39 342 588 7847
Posta eletrònica: info@museodiocesanoarborense.it
Situ web: www.museodiocesanoarborense.it
Facebook: Museo Diocesano Arborense
Telèfono: +39 342 588 7847
(MM)
