Su 9 de santugaine 2021, in Santu Juanni de Sinis (Crabas), sunt istadas iscapadas 4 testùines de ratza Caretta caretta.
A pustis de 7 meses, in su mese de maju, 3 fiant bias, a pustis chi in martzu sa testùine Azzurra dd’ant agatada morta in una plaja de Hammamet, in Tunisia. Sos de su CNR-IAS, chi pro mesu de dispositivos chi trasmitint informatziones de comente si movent sos animales est sighende sas testùines, at avisadu sos espertos de s’Istitutu de Iscièntzias Marinas e Tecnologia (INSTM) chi ant recuperadu s’animale mortu.
Sas àteras testùines sighint a s’ispostare e una, Genoveffa, a pustis de èssere abarrada acanta de sas costeras sardas, est andada a largu.
Sa chi ddi narant Elettra at fatu prus de 3200 chilòmetros: in antis est andada in su tretu de mare tra sa Sardigna e sa Tunisia, a pustis est torrada acanta de sa Sardigna pro si nche torrare a istesiare; faghet immersiones a manera regulare e cun tempos de apnea regulares.
Gavino, a pustis de àere fatu prus de 4.500 chilòmetros in su mese de maju fiat in s’otzèanu Atlànticu.
Sa de bator est abarrada meda acanta de Sardigna; in su mese de Abrile est abarrada in su Golfu de Aristanis: ancora in su mese de maju fiat acanta de su mare de Aristanis.
(MM)
