I capìtulu: Cumpartziduras
Martis 05 de trìulas, a sas 09.00 de sero (h.21.00) in su giardinu de su Tzentru Servìtzios Culturales, in sa carrera Carpaccio - Aristanis
LIBRarcI in Volo LIBeRI
Abarrare paris cumpartzende libros, leturas, ideas creativas, relatziones e …
Sa de XII editziones de Su Giardinu de su Tzentru / Il Giardino del Centro at a incomintzare cun sos amigos chi bivent su CSC, “sos utentes istimados” chi ant a èssere protagonistas de su primu addòbiu.
Librarci in volo liberi at a èssere s’ocasione pro abarrare paris cumpartzende e iscambiende libros, ascurtende leturas e proponende ideas creativas. Totus sos chi ant a partetzipare ant a èssere atores e ispetadores, ant a dare e ant a leare carchi cosa.
A sos chi ant a partetzipare si pedit, si cherent, de portare libros de iscambiare e leturas de cumpartzire.
In ocasione de custu addòbiu b’at a èssere unu laboratòriu de origami e àteras sorpresas.
Cando si cumpartzit si renesset a fàghere, a creare o a bìvere in comunidade; sas règulas diventant pròpias, si trasmitint e s’arresonat de sas règulas, de sos valores, de sos obietivos chi ponent paris sa gente; cando si cumpartzit naschent e creschent limbàgios e cumportamentos chi permitint de èssere connotos dae sos àteros comente che pare.
(MM)
