Sa RAS at publicau s'avisu pùblicu "INSULAS-FRAILES" – laboratòrius po imparai e imperai su sardu, su catalanu, su gadduresu e su tabarchinu me in scola, po is annus scolàsticus 2024-2025”.
S'avisu previdit duas lìnias de interventu:
- INSULAS – po imparai e imperai sa lìngua sarda in oràriu curriculari;
- FRAILES – po fai laboratòrius in sardu, foras de s'oràriu curriculari.
S'avisu tenit sa punna de avalorai e spainai is lìnguas de minoria (sardu e catalanu) e is variedadis alloglotas (tataresu, gadduresu e tabarchinu).
Is beneficiàrius de custu avisu sunt is iscolas de totu sa Sardigna, pùblicas e paritàrias: asillus, scolas elementaris, mèdias e superioris.
Is domandas tocat a nci ddas mandai, imperendi sa modulìstica dedicada, cun PEC a s'indiritzu: pi.cultura.sarda@pec.regione.sardegna.it intra de su 4 de su mesi de onnisanti a mesudì.
Is laboratòrius ant a podi cumentzai agoa de sa publicatzioni de sa graduatòria de parti de sa RAS ma de siguru non prus a tradu de su 28 de friaxu de su 2025. E ant a dèpiri acabbai intra de su 31 de austu de su 2025.
Su 17 de su mesi de ladàmini a is dexi de mangianu s'at a fai unu atòbiu in lìnia po totus is scolas e maistas e maistus interessaus, cun sa punna de donai acraramentus a aberri unu arrexonu, si calincunu bolit fintzas donai consillus.
Po pigai parti at a tocai a cracai asuba de custu link: https://regsardegna.webex.com/regsardegna/j.php?MTID=m538912758753cca227ec923405479bf2.
Prima tocat a domandai sa password po intrai, scriendi a s'indiritzu mail:cbecciu@regione.sardegna.it intra de su 16 de ladàmini a sa una.
