S'arrideli
nòmini italianu: ilatro sottile
nòmini scientìficu: Phillyrea angustifolia
nòmini sardu: arrideli
Est una mata chi fait unu frori biancu-bidri in beranu; su frutu est una baca chi assimbillat a s'olia , de colori azullu- viola; sa linna de custa mata beniat impreada po fai traballus de artesania intrìcius e fintzas po traballai is peddis o fai craboni. Fiat impreada fintzas in sa mexina populari.
Sa pruna aresti
nòmini italianu: pruno selvatico
nòmini scientìficu: prunus spinosa
nòmini sardu: Pruna aresti, prunixedda
Fait unu frori biancu a cumentzai de su mesi de friaxiu e fintzas a su mesi de làmpadas. Su frutu est de colori azullu, de sabori agru e chi diventat cumpriu me in is mesis de santuainu e onnissanti.
Su frori benit impreau po cosas meda; po limpiai sa brenti, su frutu po sanai is sìntzias e su gùturu. Me in is tempus passaus si poniat su frutu in su binu e si bufàt po cumbati s'arrasfriu. Dae sa linna si fadiat una sustantzia po tingi s'arrobba
