Maria Teresa Sechi, sa primu presidenti fèmina de sa provìntzia de Aristanis.
Maria Teresa Sechi est stètia sa primu presidenti fèmina de una provìntzia italiana.
Abogau de su Foru de Aristanis, nascit in sa tzitadi de sa ceràmica su 23 de gennarxu de su 1942.
De pipiedda,fadiat a dda atobiai in su stangu de babbu Pietrinu e mamma Maddalena. Una pipia scida e bona chi crescit a literadura e polìtica. A piciochedda sceberatt de si scriri in sa facultadi de giurisprudèntzia, a pustis de airi fatu sa scola superiori in Aristanis. S'at a laureai in su 1965 e agoa de unus cantu annus s'at a laureai torra in Filosofia.
A primu detzidit de fai sa docenti, interesse.ndi.sì peroa finas a sa pràtica de abogau e diventat vice pretori a Terraba. Est su primu abogau fèmina de su Foru de Aristanis; A movi de su 1980 intrat in polìtica e diventat consillera comunali cun su partidu sardu d'atzioni.
Promovit sa nàscida de s'Universidadi de sa de tres edadi in Aristanis e in su 1987 si candidat a is eletzionis po sa camera de is Deputaus; non dda eligint ma non si perdit de ànimu e s'annu afatu diventat sa primù fèmina in Itàlia a otènniri s'incàrrigu de presidenti de una provìntzia. Morit peroa giòvana meda, a 47 annus in su 1989 a pustis de unu annu feti dae sa proclamatzioni che presidenti de sa provìntzia. Una fèmina chi at lassau a s'ìsula sua un arregordu bellu, de persona abbista , scìpia e bona; chi at circau e agatau me in is àteras fèminas agiudus e inditus pretziosus po s'atividadi cosa sua.
