Salvatore Garau nascit in Santa Justa in su 1953. Si diplomat a s’Acadèmia de is Artis Bellas de Firenze in su 1974. Tres annus agoa intrat a fai parti de su grupu rock de is Stormy Six e cun issus fait prus de milli cuncertus in totu s'Europa. A movi de is primus annus '80 cumentzat a si interessai de arti. Sa primu ammosta personali dda fait in su 1984 in su stùdiu Cannaviello in Milano, e apustis in àteras tzitadis de Europa e de su mundu: Lugano, Losanna, Barcellona, San Francisco, Washington, Strasburgo, Londra.
Duas bortas est stètiu a sa Biennali d’Arti de Venezia, in su 2003 e in su 2011. In is ùrtimus annus at ammostau is òperas suas in is museus de Saint-Etienne, Cordoba, Brasilia, San Paolo, Montevideo. In su 2017 at scritu e dirìgiu “La tela” unu docufilm ambientau in sa presoni de Siguresa Arta de Màssama.
In su 2019 at fatu unu docu-thriller intregau a is ùrtimas òperas cosa suas "Futuri affreschi italiani”.
In is ùrtimus annus at sciumbullau sa crosidadi de medas, cun is òperas immaterialis (òperas chi non si biint), chi at ammostau in Aristanis, Milano e New York.
Is òperas e s'arti de Garau pertocant bortas meda, s'amparu de s'ambienti e de sa natura e chistionis de ètica.
