S’ispidale Santu Martinu de Aristanis leat parte a sa (H)-Chida aberta contra de sa violèntzia a sas fèminas (Open week contro la violenza sulle donne) organizada in totu Itàlia dae su 21 a su 26 de santandria dae sa Fundatzione Onda (Osservatòriu Natzionale de sa salude de sa fèmina e de gènere).
Su repartu de Ginecologia e Ostetrìtzia, dirìgidu dae sa dotora Francesca Campus, in collaboratzione cun sa referente de s’ispidale pro sa Fundatzione Onda, sa dotora Caterina Vallese, ant a dedicare a sa fèminas chi nde tenent bisòngiu duas dies – cun servìtzios de informatzione, vìsitas, consulèntzias e collòchios gratis – martis 22 e mèrcuris 23 de santandria, dae sas 15.30 a sas 19.30 in su repartu de Ginecologia, in su de bator pianos de s’ispidale Santu Martinu. Si podet andare in deretura sentza prenotatzione.
Chie ddu preferit, pro resones de riservadesa o ca non podent andare a s’ispidale, podet fàghere unu collòchiu in su telèfono, tzirriende a sos nùmeros 0783.317605 o 0783.317264: ant a èssere a disponimentu issoro sa ginecòloga Emanuela Meloni e sa maistra de partu Gabriella Miscali, referentes de s’initziativa e de su percursu contra de sa violèntzia.
Sos nùmeros de telèfono pro pedire agiudu: 0783.317605 o 0783.317264
(MM)
