Su comunu de Aristanis, paris cun sa Fundatzioni Aristanis, su Tzentru de documentatzioni de sa Sartilla e sa Biblioteca comunali cun is coperativas Studio e progetto e La Lettura, apariciant s'eventu "lìburus a tempus".
Su 9 e su 23 de onnissanti, de sàbudu, sa Biblioteca comunali arricit s'eventu intragau a is amantiosus de sa letura e de sa cultura.
Duus is atòbius de importu: una arregorta de lìburus su 9 e unu eventu interativu po is ligidoris de calisisiat edadi, su 23 de onnisanti.
Is lìburus chi s'ant a portai su primu sàbudu, ant a èssiri postus a disponimentu de totus su sàbudu infatu, permitendi una cunpartzidura culturali e permitendi a is lìburus de torrai a bivi.
Paghendi una cuota de 10 èurus, ònnia partecipanti at a podi pigai in dexi minutus, totus is lìburus chi bolit.
Pigai parti a custu eventu at a èssiri s'ocasioni de fai prus arrica sa biblioteca chi onniunu tenit in domu, ma finas una manera po agiudai sa cultura. Su dinai chi at a intrai de custu eventu difati s'at a imperai po cuncordai atòbius e eventus po pipus e piciocheddus, promovendi s'amori po sa letura tra is prus giòvunus.
Po acraramentus e informus fait a tzerriai a su nùmeru 0783 030333 o a scriri a organizzazione@sartiglia.info
