Sa crèsia de Santu Pàule fiat prena pro su cuntzertu de Nadale de su litzeu musicale “Benedetto Croce” de Aristanis, torradu a fàghere a pustis chi fiat tres annos firmu pro neghe de s’emergèntzia sanitària.
Sa gente at tzocadu sas manos meda a pustis de sas esibitziones de sos cumplessos musicales de sas classes dae sa segunda a sa cuinta, de s’orchestra de su triènniu e de sos coros de su biènniu e de su triènniu, e a ùrtimu finas pro su coro cumpostu dae totu sos alunnos de su cursu.
A sos istudiantes los ant acumpangiados sos dotzentes Daniela Bianchi (Cantu e Mùsica “d’insieme”), Alessia Casalino (Violinu e Mùsica “d’insieme”), Cinzia Casu (Pianoforte), Simona Deiana (Violoncellu e Mùsica “d’insieme”), Marco Demurtas (Clarinete e Mùsica “d’insieme”), Massimo Dotto (Pianoforte e Mùsica “d’insieme”), Fenisia Erdas (Cantu e Mùsica “d’insieme”); Lorenzo Erdas (Teoria Analisi e Composizione), Andrea Foddai (Percussiones), Patrizia Ibba (Pianoforte), Salvatore Irde (Chiterra), Martina Manis (Flàutu e Mùsica “d’insieme”), Luca Micheletto (Chiterra), Sara Piseddu (Percussiones e Mùsica “d’insieme”), Edoardo Rosa (Sassòfonu) e Roberto Sollai (Trumba).
Su dirigente Salvatore Maresca at ammentadu s’importàntzia de sas atividades cuntzertìsticas pro sos alunnos e at torradu gràtzias a s’archipìscamu de Aristanis Roberto Carboni e a su pàrracu de sa crèsia de Santu Pàule Apòstolu don Matteo Ortu pro s’ospitalidade.
Su cuntzertu at otentu finas 732 ispetadores dae YouTube. pro sa prima borta, difatis, est istadu possìbile a abbaidare s’esibitzione finas in direta online.
(GF.P.)