In su 2015 sa Giunta regionali sarda iat donau a su Corpus Forestali e de Vigilàntzia Ambientali s'incàrrigu de censiri is matas monumentalis de s'Ìsula.
Po podi sterri s'elencu iant tentu contu de su prègiu naturalìsticu acapiau a s'edadi e a sa mannesa, a sa forma e a su portamentu, a sa raridadi botànica e a a s'architetura vegetali, a su balori ecològicu e a su prègiu paesagìsticu, stòricu-culturali-religiosu.
In s'elencu regionali de su 19.09.2023 agiornau 6 bortas, arresurtant nci essi in sa Provìntzia de Aristanis:
-
in Arborea, in su Parcu de su Diretori, una mata de cànfura (Cinnamomum camphora);
-
in Assou, in Palaminda, una mata de arroli (quercus pubescens);
-
in Asuni, in Punta Petredu, una mata de arroli (quercus pubescens);
-
in Busache, in Ortu Furadu, una mata de ollastu (Olea europea subsp.oleaster);
-
in Cùglieri, in Tanca Manna, una mata de ollastu (Olea europea subsp.oleaster) e in S'Adde de Pruna una mata de ollastu (Olea europea L.var.sylvestris);
-
in Crucuris, in Cùcuru Pedra Mòguru, una mata de arroli (Quercus pubescens);
-
in Fordongianus, in Campu 'e Cubas, una mata de sugàrgia (Celtis australis);
-
Gonnacodina, in sa circunvallatzioni, una mata de arroli (Quercus pubescens) e in Nurazou una mata de ìlixi (Quercus ilex);
-
in Laconi est prenu, in su Dominàriu, una mata de tìlliu aresti (Tilia cordata), in su Parcu Aymerich una mata de cidru de su lìbanu (Cedrus libani), una mata de olioni (Arbutus unedo), una mata de fau (Fagus sylvatica), una mata de collètzia (Colletia gruciata), in su Nuraghe Orrùbiu una mata de ollastu (Olea europea subsp.oleaster), in Gedis una mata de modditzi (Pistacia lentiscus), in Abbafrida una mata de mura gessa niedda (Morus nigra), in Funtana Luscia una mata de arroli (Quercus pubescens), in Sinzilesu una mata de ìlixi (Quercus ilex), in Lardai una mata de arroli (Quercus pubescens);
-
in Mragaxori, in Cannedu, una mata de arroli (Quercus pubescensc);
-
in Neoneli, in Su Brocheri, una mata de suèrgiu (Quercus suber), aici etotu in S'Isca;
-
in Norghiddo, in Santa Vitòria una mata de suèrgiu (Quercus suber);
-
in Nurachi, in Serra Scova una mata de arroli (Quercus pubescens);
-
in Aristanis, in Santa Petronilla una mata de ollastu (Olea europea subsp.oleaster) e in Vittu Sottu, una mata de ocallitu (Eucalyptus globulus);
-
in Santu Lussurzu, San Leonordu de Siete Fuentes, una mata de castàngia (Castanea sativa);
-
In Iscanu, in Pischina una mata de olia (Olea europea);
-
in Sèneghe, in Birdambulis una mata de ìlixi (Quercus ilex) aici etotu in Codinazza;
-
In Sini, in su Parcu Comunali una mata de olia (Olea europea);
-
in Soddi, in pratza de crèsia de su Spiritu Santu, una mata de sugàrgia (Celtis australis);
-
in Useddus, in Pìtixi, una mata de suèrgiu (Quercus suber);
-
in Biddanoa Truschedu, in Santu Gemilianu, una mata de ollastu (Olea europea absp.oleaster);
-
in Biddobrana, in Sa Meliana, una mata de arrideli (Fillyrea latifolia).
Est de marcai ca in su 2021 su fogu iat abruxau sa mata de olia millenària de sa Tanca Manna de Cùglieri, ma gràtzias a s'incuru de medas chi dd'ant atèndia acuendi-dda e oprighendi-dda, sa mata non s'est morta.
