Su “Mont'e Prama Link” est su servìtziu chi ndi at pesau sa Fundatzioni “Mont'e Prama” po donai a is abisitadoris sa possibilidadi de lompi a su Museu Tzìvicu “Giovanni Marongiu” de Crabas e a is logus archeològicus de Mont' 'e Prama e Tharros.
A is chi ndi arribant a trenu de Casteddu o de s'aeroportu de Su Masu ant a agatai una corriera de ùrtima generatzioni frunida de totu is comodesas chi ddus at a acumpangiai a is logus de interessu insoru e ddus at a torrai a portai a sa statzioni a s'acabbu de sa bìsita.
Sa corriera at a passai e firmai in una pariga de logus in Aristanis, in Turri Manna, in Crabas, Santu Srabadori, Mont' 'e Prama e Tharros anca s'at a pausai.
Su servìtziu si pagat e is billetus si còmporant inderetura in corriera, a 3 € po andai de sa statzioni a su Museu Tzìvicu e a is logus archeològicus, a 5 € po andai e torrai.
Po sciri is oràrius e po àterus informus bai a su giassu de sa fundatzioni
