Seus chistionendi de unu geositu (est nai unu logu de interessu geològicu o geomorfològicu chi minescit de ddu sarvaguardai) chi s’agatat in sa costera a faci a tramuntana de Monti Arci in su sartu de Biddobrana. in unu logu arricu de matas, àcua e mitzàrgius.
Is Arutas Santas o a bortas Is Arutas Antas est un’arroca basàltica chi assìmbillat a unu cordolinu in mesu a unu padenti.
Portat in sa parti bàscia sa truncadura de is corònduas o fraturatzioni de is corònduas, Custa arroca est de orìgini vulcànica, nàscia candu sa lava bessida a foras de su vulcanu s’est scidrada impressi e su frius stringendi ndi at pesau struturas geomètricas regularis chi parrint corònduas.
Sa parti arta, invècias, parrit unu capeddu, inguni difatis s’arroca no est a bisura de corònduas.
A su logu fait a ddui lompi finas a màchina fadendi una bia asfaltada ma strinta a pagus chilòmetrus de sa bidda. Est fruniu de mesas e de logu po arrustiri.
