Domìniga, s’11 de nadale 2022, in s’Auditorium comunale de Ilartzi, a sas 05.00 de sero, in collaboratzione cun s’Istitutu Superiore Regionale Etnogràficu (ISRE), at a èssere projetadu su film S'Impinnu (Il voto) de Ignazio Figus e Cosimo Zene. Sa projetzione est in su programma de s’initziativa Non solo INCONTRI DI MUSICA POPOLARE e su film at a èssere presentadu dae su regista Ignazio Figus, chi est su responsàbile de su Setore Produtzione Audiovisuale e Promotzione dell’ISRE.
Su film, produidu dae s’Istitutu Superiore Regionale Etnogràficu, contat de comente in Nule, ogni annu, cuncordant pane e casu pro mantènnere s’impinnu leadu dae Antoni Manca chi, essende torradu a domo dae sa gherra in Crimea, aiat fatu custu votu pro torrare gràtzias a Deus. S’impinnu, su màndigu, sa partetzipatzione, su donare, sa bidda… sa devotzione: su film est unu documentu antropològicu interessante meda.
(MM)
