Sa Biblioteca comunali de Ollasta invitat a totus, mannus e pipius, a pigai parti a s’atòbiu in sa domu de is antzianus de Ollasta po afestai “Bibliopride 2024” sa Cida Natzionali de is Bibliotecas chi s’at a fai giòbia 26 de cabudanni de su 2024 a is 4 e mesu de merii, movendi 10 minutus in antis de sa biblioteca.
In sa domu de is antzianus s’ant a ligi paristòrias e contus chi pertocant sa Sardigna e s’at a fai totus impari unu mosàicu impreendi lori a tiradura.
Po ndi sciri de prus tocat a telefonai a su nùmeru 0783938043.
