Est in publicatzioni su bandu 2024 de sa de 65 editzionis de su Prèmiu de Otieri, chi at fundau Tonino Ledda in su 1956.
Si ammitint a su prèmiu òperas in lìngua sarda, in gadduresu, tataresu, saligheresu e tabarchinu mai imprentadas o de ai tentu reconnoscimentus in àterus cuncursus. Su Prèmiu est partziu in tres setzionis:
a) Poesia sarda “Antoni Sanna”. Ònnia cuncorrenti podit imbiai una poesia a tema lìberu, a rima o sena de rima
b) Prosa sarda “Tonino Ledda”. Ònnia cuncorrenti podit mandai unu contu
c) Intra de poesia e càntigu “Antoni Cubeddu”. Ònnia cuncorrenti podit mandai una cantzoni a tema lìberu sighendi schema e fromma poètica e mètrica de su connotu.
Is òperas tocat de ddas scriri a màchina o a compùteru e non podint essi anònimas o a nomìngiu, est agradèssida una tradutzioni in lìngua italiana e/o unu glossarieddu de is fueddus pagu connotus.
Si podint mandai non prus de tres òperas, una po ònnia setzioni. Po pigai parti a su Prèmiu non si pagat nudda.
Is traballus tocat de nci ddus mandai aintru de su 31 de su mesi de maju de su 2024 a s'indiritzu de posta eletrònica info@premiozieri.it e a sa segreteria de su Prèmiu Otieri de Literadura Sarda.
Is òperas ddas at a giudicai una Giuria aposta chi at a donai is prèmius a is primu tres classificaus de ònnia setzioni. Sa premiatzioni s'at a fai in su mesi de onniasanti de su 2024.
Po ndi sciri de prus e po ligi totu su regulamentu bai a su giassu www.premiozieri.it
