Su PLUS de Aristanis at incarrelau su progetu in chistioni, su chi giai iat aprovau s'Assembrea de is Sìndigus cun verbali n.4 de su 7 de su mesi de idas de su 2022.
S'interventu ponit in contu s'assinnamentu de finantziamentus po incarrelai servìtzius de tipu sòtziu-assistentziali-educativu siat po is tzitadinus chi faint parti de su circùitu sòtziu sanitàriu e assistentziali, in aciunta de àteras mesuras assistentzialis chi giai pigant (po nai Lei 20/97, lei 162/98 e sighendi) siat po is tzitadinus chi non tenint formas futas de agiudu in logu de domu.
Podint gosai de sa mesura totu is tzitadinus chi tenint sa residèntzia me in is Comunus de su Distretu sòtziu-sanitàriu Àmbitu de su PLUS de Aristanis chi funt fertus de disabilidadi fìsica o mentali, chi tenint intra de 18 e 64 annus de edadi e chi tenint assumancu unu de custus rechisius:
1- Lei 104/92 art.3;
2- essi fertu de disabilidadi mentali/intelletiva in càrrigu a is Servìtzius sotzialis o sòtziusanitàrius;
3- essi a càrrigu de su Dipartimentu Saludi Mentali e Dipendèntzias o de àteru Servìtziu sanitàriu.
Sa mesura chi s'at a assinnai, chi su massimali est paris a € 4.000,00, s'at a podi simmai torrai a modulai cun decurtatzionis cunforma a su balori de s'ISEE sòtziu-sanitàriu de su benefitziàriu, a segundas de is fàscias chi ddui funt me in is Lìnias Ghia de su progetu.
Sa punna de sa mesura est cussa de ammantai is gastus de is servìtzius chi pertocant su personali OSS, Agiudanti genèricu o Educadori chi frunint Cooperativas acreditadas cun su PLUS de Aristanis.
Is benefitziàrius o is rapresentantis legalis insoru si depint inderetai a su Servìtziu Sotziali de su Comunu de residèntzia o a su Servìtziu sòtziu-sanitàriu de riferimentu (Tzentru de Saludi Mentali, Servìtziu po is dipendèntzias e sighendi) po intregai s'istàntzia, s'aprontadura e cumpartzidura de su progetu. Is istàntzias si podint intregai movendi de su 26.02.2024.
