Scadit a oi sa dii ùrtima po fai rechesta de assinnamentu de terrenus agrìculus de su Comunu de Prammas, vinculaus o no de usu cìvicu.
Is terrenus arruint in su sartu de S’Isca, Mitza Enas, Barrocu ‘e su Para, in Prammas.
Sa cuncessioni ballit 6 annus e cunforma a sa tipologia de terrenu si depit pagai unu cànoni.
Podint intregai rechesta is sotziedadis agrìculas o imprendidoris agrìculus, operadoris agrìculus a solus, disocupaus chi apant fatu is 18 annus de edadi e chi no apant sartau is 60, bastit chi apant sa residèntzia o sea legali in su Comunu de Prammas.
Po podi pigai parti a su bandu tocat a teni àterus rechisius chi funt stèrrius a craru in s’avisu comunali e intregai documentus aposta.
Is dimandas depint arribai, a manu o a posta eletrònica certificada, a s’ufìtziu protocollu comunali aintru de sa 1 e mesu de custu meigama.
Po àteru crarimentus bai a su giassu de su Comunu de Prammas.
