“Davegnir Impari – Ladini e sardi: impegno comune per le minoranze linguistiche” est su tìtulu de s’atòbiu chi s’at a fai cenàbura 15 de onniasantu in Casteddu, in su Teatru “Adriano”, in s’àmbitu de sa de 7 editzionis de su prèmiu “Kentzeboghes” po favoressi sa cinematografia in lìngua minoritària.
S’atòbiu ddu at cuncordau s’Assòtziu Culturali “Babel” cun s’agiudu de s’Istitutu Culturali Ladinu “Majon di fascegn” e at a essi s’ocasioni de torrai a arraxonai de lìnguas de minoria.
Ddu ant a fai Tea Dezulian e Sabrina Rasom de s’Istitutu Culturali Ladinu, Luca Guglielmi assessori de is minorias linguìsticas de su Trentinu-Artu Àdige, Andrea Dettori capu gabinetu de s’assessori de sa cultura de sa Regione Sardigna, Tore Cubeddu fundadori de “MyCulture+” e diretori artìsticu de “Babel Film Festival”, Paolo Carboni regista e diretori artìsticu de su prèmiu “Kentzeboghes” e de su “Babel Film Festival”.
A s’ora de s’atòbiu s’at a proietai unu traballu cinematogràficu in lìngua ladina.
A s’acabbu cuncertu de is grupus musicalis “Popcorner” e “Folk&Roll.
