A su Prèmiu Literàriu Internatzionali Tzitadi de Tàtari podint pigai parti is traballus scritus in italianu, ingresu, ispanniolu, cadalanu, francesu, ma prus de totu in sardu (campidanesu, nuoresu, logudoresu) e me in is variedadis tataresu e gadduresu.
Su prèmiu bantat de tenni su patrocìniu speciali de sa Presidèntzia de sa Repùblica, de su Ministeru de is Benis Culturalis, de su Ministeru de sa Gioventudi e de sa Commissioni Natzionali UNESCO, in prus de cussu de su Comunu de Tàtari, de sa Provìntzia de Tàtari e de sa Presidèntzia de sa Càmera.
Su bandu est partziu in:
-
setzioni A – Poesia giai publicada a imprenta, “Dedicau a Angelo Mundula”;
-
setzioni B – Poesia mai publicada, “Dedicau a Maria Carta”, anca est agradèssia sa tradutzioni in lìngua italiana;
-
setzioni C – Narrativa curtza – Contus, “Dedicau a Salvatore Mannuzzu”, anca est agradèssia sa traduzioni in lìngua italiana;
-
setzioni D – Romanzu, “dedicau a Sergio Atzeni”;
-
setzioni E – Cantautorau – testus po sa Mùsica, “dedicau a Marisa Sannia”.
Ònnia autori podit pigai parti finas a totu is setzionis, paghendi is cuotas chi si depint e rispetendi su regulamentu aposta.
Is òperas chi pertocant a is setzionis B e C s'ant a balutai a manera anònima.
A is bincidoris ant a andai prèmius a dinai, in prus nci at ai su Prèmiu speciali Giuria Scola e su Prèmiu speciali Sponsor.
Po ndi sciri de prus e a fini a fini bai a su giassu www.plics.org
