Est online su situ de su Progetu UPI “Province e Comuni”, realizadu in s’àmbitu de su PON “Governance e capacità istituzionale” 2014 -2020 FESR- FSE.
Su situ, si podet intrare dae su link https://provincecomuni.eu/, est s’aina operativa e de informatzione chi at a serbire pro fàghere pùblicos totu sos agiornamentos chi pertocant su progetu, a incomintzare dae sas initziativas natzionales e locales chi ant a èssere fatas.
Ma, prus che totu, at a èssere su giassu in ue s’ant a cumpartzire ideas, pràticas bonas, esperièntzias e modellos organizativos.
Sa punna finale de su Progetu est, difatis, acumprire modellos de guvernu pro sas amministratziones locales, chi tèngiant un’ordìngiu natzionale pro assegurare su matessi tràgiu in su dare servìtzios pùblicos a sos tzitadinos. Un’isfida pro fraigare sa Provìntzia de su benidore.
Sas pàginas
Pro èssere prus fàtzile a chircare sas informatziones e novas, su situ est partzidu in pàginas e argumentos.
In sas pàginas, chi si ddue podet arribare dae sa barra in artu, s’agatant totu sas informatziones chi pertocant su progetu, sas atividades programmadas e acumpridas e, in prus, sas comunicatziones de craresa.
In sa pàgina “Chie semus/chi siamo” s’ant a tènnere a disponimentu sos indiritzos de posta eletrònica de totu s’iscuadra impignada in su progetu, pro favorèssere sa comunicatzione direta, mentres cun sa pàgina “Cuntatos/Contatti” est possìbile intrare in unu programma pro mandare rechestas o messàgios.
Sos argumentos
Sos tres argumentos de su progetu – Istatzione Ùnica Apaltadora; Servìtzios Assotziados Europa; Servìtzios Innovatzione – sunt issos etotu partzidos in tres percursos a manera de pòdere dare pro ognunu totu sas informatziones e sas novas luego luego e a manera fàtzile de consultare.
Sa mustra de sas Provìntzias
Meda est dedicadu a sas informatziones de sas Provìntzias: difatis, in su situ s’ant a agatare notìtzias de eventos, comunicados istampa, artìculos, decraratziones, fotografias, vìdeos de su progetu chi ant a arribare dae sos territòrios.
S’at a sighire cun sos social
Su situ est ebbia sa prima aina de comunicatzione: difatis, ant a èssere ativadas sas pàginas social (Facebook, Youtube, Instragram) chi ant a cumpletare sas ainas de comunicatzione on line chi s’UPI at istabilidu de ativare pro pònnere su prus a notu su progetu.
(MM)x
