Sa Provìntzia de Aristanis at incarrelau sa procedura a evidèntzia pùblica de balutatzioni cumparativa po desinnai unu/a consilleri/a de paridadi efetivu/a e de unu/a suplenti.
In mesu a totu is arrechisius postus a craru in s'avisu, is candidaus o candidadas depint tenni cumpetèntzia e esperièntzia cumproada cun paperi, de assumancu 2 annus in contu de traballu de is fèminas, de normativa asuba de sa paridadi e pari oportunidadi e de mercau de su traballu.
Sa dimanda po pigai parti a sa procedura de desinnamentu tocat de dda sterri cunforma a su mòdulu MOD.A chi frunit sa Provìntzia de Aristanis.
Una borta firmada tocat de ddi auniri apari fotocòpia de unu documentu de arreconnoscimentu bàlidu e su curriculu.
Totu is documentus si depint furriai in formau digitali .PDF e mandai a posta eletrònica certificada a s'indiritzu provincia.oristano@cert.legalmail.it aintru de mesunoti de su 15 de martzu de su 2024.
Po ndi sciri de prus ligi s'avisu intreu.
