Su Dirigente de su Setore Edilìtzia e Istrutzione Pùblica at istèrridu avisu pro intregare is dimandas pro sa cuntzessione in usu de is impiantos isportivos iscolàsticos pro sa istasone 2024/2025.
Is dimandas si depent mandare a PEC a s'indiritzu provincia.oristano@cert.legalmail.it, o a paperi a manu o a racumandada (s'at a castiare su timbru postale), a su protocollu de sa Provìntzia in sa bia de Carboni, in Aristanis e ant a dèpere arribare a intro de sa data de s'08/07/2024.
Podent èssere cuntzessionàrios de is istruturas, is Sotziedades o Grupos costituidos a manera regulare e afillados a su CONI, is assòtzios benemèritos chi faghent atividade cun punnas isportivas, culturales, de voluntariadu e sotziales.
Is chie faghent rechesta depent fàghere duos seberos, e marcare sa prus de importu.
Sa cuntzessione de is impiantos isportivos ponet in contu su pagamentu de una tarifa orària chi at aprovadu sa Giunta Provintziale cun delìbera n.106 de su 17/09/2013.
Pro nde ischire de prus tocat a lìghere su bandu cumpletu
