S'Amministradore Istraordinàriu, cun decretu n.5 de s'8 de martzu de su 2024 at decretadu s'inserru de totu is ufìtzios provintziales giòbia 14 de martzu de su 2024 pro neghe ca “E-Distributzione Unità Territoriale Oristano” nde istacat sa currente, movende dae is 9 oras de mangianu finas a is 4 de merie in sa bia de Mattei, tochende duncas, sa sea de sa Provìntzia de Aristanis.
Is dirigentes s'ant a incurare de fàghere assegurare is servìtzios de reperibilidade pronta.
