In Paulle, in sa parte istòrica de sa bidda, in una domo a palatzu de tres pianos, si podet bisitare su Museu etnogràficu Palatzu Atzori. Custu fràigu mannu e bellu est de su de XVIII sèculos e fiat de sa famìllia de su cavalieri Antonio Atzori, notàriu paulesu mortu, a 77 annos, su 09 de martzu de su 1900. Sa famìllia Atzori fiat rica e importante, teniant terras e bestiàmene meda.
Su Museu est dedicadu a sa vida de sos massajos e de sos pastores paulesos; in sos aposentos sunt cuncordados ambientes diferentes de una domo traditzionale: trastos, ainas, materiales diferentes e in su cortile b’est su carru, su giuale e àteras ainas.
A intro de vetrinas sunt postos in mustra ricamos, durches e cocois de pane pintadu de sa traditzione paulesa chi connota e famada pro sa bellesa ispantosa sua: columbas, frores, fruta e fògias de cada genia, elegantes e delicadas, frutu de s’ischire fàghere e de sa fantasia de sas massajas.
Sa punna de su Museu est cussa de non ismentigare s’istòria, sas traditziones e comente at bìvidu sa comunidade de Paulle in su tempus passadu.
In su Museu b’est fintzas su servìtziu de sas bìsitas guidadas.
Informatziones
Indiritzu: carrera Nazionale, 127-129 - 09070 Paulle
Telèfono: +39 0785 55438
Telefoneddu: +39 347 7746747
Ente titulare: Comune de Paulle
Ente gestore: Cooperativa Archeotour
Posta eletrònica: info@museopalazzoatzori.com
Situ web: www.museopalazzoatzori.com
Facebook: www.facebook.com/pozzosantacristina
Sos billetes si faghent in su museu Palatzu Atzori etotu o in su Parcu Archeològicu de Santa Cristina o online in su situ web de su museu: www.museopalazzoatzori.com/orari-e-tariffe/
Cun su billete pro intrare a su Parcu Archeològicu de Santa Cristina si podet intrare fintzas a su Museu Etnogràficu “Palatzu Atzori”.
(MM)
