S’Assessoradu regionale de sa Sanidade at aprovadu s'elencu de sas sedes de sas potecarias a disponimentu pro su de tres interpellos, chi pertocat su bandu de cuncursu pùblicu regionale istraordinàriu pro tìtulos pro s'assignatzione de 90 sedes de potecarias a disponimentu pro s’esertzìtziu privadu in sa Regione Sardigna.
Su de tres interpellos s’at a fàghere totu in sa piataforma tecnològica apòsita de su Ministeru
de sa salude.
Custas sas biddas interessadas de sa provìntzia de Aristanis: Ollasta, Assou, Asuni, Bobadri, Bidoniu, Crabas (fratzione de Solanas), Mòdolo, Nureci, Pompu, Sàgama, Sinnarìolo, Siapicia, Sini, Siris, Soddie, Tadasune, Terraba (fratzione de Tanca Marchese), Ula, Biddanoa Truschedu.
Pro sos interessados: Pro chi sas protzeduras de s’interpellu siant giustas, sos titulares de candidadura sìngula o sos referentes de candidadura in forma assotziada, sunt invitados a averiguare chi s’indiritzu PEC, su chi resurtat como in sa piataforma de su Ministeru, funtzionet bene ca a cussu indiritzu ant a arribare totu sos avisos chi pertocant su sèberu, s’atzetare e s’assignatzione de sas sedes de sas potecarias e fintzas sas credentziales (username e password).
Totu sos documentos s’agatant in su situ istitutzionale de sa Regione.
(MM)
