S’assòtziu turìsticu pro loco Bultei cuncordat sa de duas editzionis de su cuncursu de poesia "Serafino Masala" in lìngua sarda logudoresa.
Novidadi de ocannu est una setzioni in lìngua italiana intregada a Bosti Demurtas chi ddi narant "Musica e Natura".
Is traballus tocat a ddus mandai intra a su 31 de maju; sa cerimònia de premiatzioni s’at a fai su 14 de cabudanni 2024 in su tzentru culturali Aldo Moro a Bultei.
REGULAMENTU:
1) Podint pigai parti totus, finas is chi non sunt residentis in Sardigna e sa partecipatzioni est a indonu.
2) Is traballus podint èssiri a rima e non , e non podint èssiri prus longus de 16 versus.
3) Is traballus tocat a ddus mandai in pdf, acumpangiaus dae unu àteru file inui s’ant a inditai is informus de s’autori e duncas nòmini e sangunau, indirtzu de residèntzia e de posta eletrònica, nùmeru de telèfunu. Tocat a nci mandai totu a associazioneprolocobultei@gmail.com scriendi in s’ogetu "Cuncursu de poesia Serafino Masala 2024", intra e sena sartai su 31 de maju de su 2024.
4) at a èssiri una giuria de 7 persones a avalorai is traballus e onniunu at a donai unu votu de ses a dexi. A pustis s’at a fai sa summa de is votus e s’at a fai sa graduatòria finali.
5) Is prèmius ant a èssiri tres, su primu de 200 èurus, su segundu de 150 èurus e su de tres de 100 èurus. In prus is bincidoris ant a arriciri su lìburu 'GOCEANO. La piana, le terme, la chiesa di San Saturnino. Storia, leggende, contese" de Andrea Fenu.
6) is traballus non s’ant a torrai agoa e ant a podi èssiri intraus in unu lìburu, sena deretus e cumpensus po is autoris.
Si arregordaus ca nci at a èssiri una setzioni speciali in memòria de BOSTI DEMURTAS, "MUSICA E NATURA". Is traballus si depint mandai sa matessi manera de cussus in sardu. Innoi puru sunt prevididus tres prèmius agualis a sa setzioni in sardu; is traballus non s’ant a torrai agoa e ant a podi èssiri intraus in unu lìburu sena deretus e cumpensus po is autoris.
