Chenàbura, su 16 de cabudanni 2022 a sas 06 de sero, in sa Sala de su Tzentru Servìtzios Culturales UNLA de Aristanis at a èssere presentadu su libru de Giovanna Bibiana Orrù
Il senatore Lucio Abis
La famiglia, l'attività politica e l'ascesa nella Democrazia Cristiana
Ant a partetzipare:
Pietro Arca (ex sìndigu de Aristanis e como sìndigu de Sorradile)
Giuseppe Luigi Salvatore Cucca (Senadore de sa Repùblica)
Su libru - "Lucio Abis est istadu un’esponente importante e connotu meda autorèvole de sa Democrazia Cristiana chi, dae sos ùrtimos annos Chimbanta e sos primos annos Noranta de su sèculu passadu, est istadu, sentza duda peruna, unu protagonista de s’istòria de sa Sardigna contemporànea e de s’Itàlia contemporànea. Ma mancari totu s’atividade polìtica sua, de su senadore Abis e de sa carriera sua, non sunt istados mai publicados istùdios.
Su traballu meu de chirca est su resurtadu de unu recùperu pretzisu e fatu cun passèntzia de sas fontes iscritas e orales chi at tentu sa punna de assentare a manera giusta e pretzisa totu sas partes de unu mosàicu mannu. Essentziales pro sas informatziones de sa vida e de s’atividade polìtica de su senadore sunt istadas sas testimonias orales de sos chi dd’ant connotu de persone, su prus sunt testimonias de su perìodu biddobranesu e aristanesu." (Giovanna Bibiana Orrù)
Giovanna Bibiana Orrù est nàschida e bivet in Biddobrana, in provìntzia de Aristanis. At leadu sa làurea magistrale in Istòria e Sotziedade e sa làurea in Limbas e Literaduras istràngias in s’Universidade de Casteddu. Est dotzente de ruolu de limba inglesa in s’iscola segundària de primu gradu E. d’Arborea de Aristanis. Unos cantos annos at traballadu comente tradutora pro Planeta DeAgostini.
(MM)
