Su Tzentru Servìtzios Culturales UNLA de Aristanis e s’A.N.P.I. Comitadu Provintziale de Aristanis
Chenàbura su 9 de cabudanni 2022, a sas 6 de sero
in sa Sala de su Tzentru Servìtzios Culturales UNLA de Aristanis
presentant su libru di Vindice Lecis
Lotta al terrore - Il Pci contro neofascisti e BR (1976-1982) - I documenti, le scelte, i militanti
(Bordeaux Editore)
Nde faeddant cun s'Autore Carla Cossu e Alessandra Lochi
Sa presentada est organizada in collaboratzione cun sa Libreria Mondadori de Aristanis
Su libru – A pustis de baranta annos chi si pensat siat acabbadu su tempus de su terrorismu (est de su 1982 s’ùrtimu casu de importu de sos annos chi di narant de prumu, su secuestru Dozier) Vindice Lecis analizat s’ordìngiu de su Partidu comunista italianu pro cumbàtere sa violèntzia brigatista e sa rebellia niedda. Custu traballu su prus est fatu cun s’istùdiu de sos documentos riservados de sa regorta “Ugo Pecchioli”, costoidos in s’Istitutu Gramsci e chi su prus non sunt istados ancora analizados e istudiados. Atos, artìculos, discursos e relatziones internas testimòniant comente su Pci at impreadu contras de su terrorismu totu sas organizatziones suas e dd’at gherradu a manera pretzisa gràtzias a s’unione tra sas diretivas de sos dirigentes suos e sa capatzidade in sas atividades de sos militantes suos. Un’istòria in s’istòria chi fiat isetende de èssere bogada a pìgiu.
Vindice Lecis (Tatari, 1957), giornalista, pro trintaghimbe annos at traballadu pro su grupu Espresso. Est autore de romanzos istòricos e sàgios in contu de sa polìtica italiana de su Noighentos e de s’istòria antiga de sa Sardigna. De sos ùrtimos traballos suos si podent ammentare Il visitatore (Nutrimenti 2019), La conquista (Condaghes 2020) e Il cacciatore di corsari (Nutrimenti 2020).
(MM)
