Giòbia 16 de làmpadas 2022 a sas 6 de sero (h 18,00) in su Tzentru Servìtzios Culturales UNLA s’at a fàghere sa presentatzione de su libru “Incendi. Dialogo tra un nonno e suo nipote sui disastri ambientali” de Antonio Pinna (ISKRA Edizioni).
S’autore espressat sos pensamentos suos subra su disacatu fatu dae sos fogos in s’istiu de su 2021 in Montiferru e Pianalza, faeddende de problemas climàticos, de deforestatzione, de crèschida de sa temperadura e de totu su chi at permìtidu a sos fogos de cùrrere, e faghende su paragone cun sos fogos chi in su matessi annu ant derrutu sa Calàbria.
S’autore ponet in evidèntzia chi s’ùnica manera pro sarvare su Pianeta est a preservare sa biodiversidade, minetzada dae s’agricultura industriale, e a minimare sa produtzione de combustìbiles fòssiles. Proponet bator esempros de ecosistemas in ue sa cura mustrat sa bellesa: sas abes, sa figu morisca, sos sèmenes identitàrios antigos e sas orchideas arestes. S’òpera est pensada comente unu resonu intre giaju e nebode giovaneddu, ma est indiritzada a totus.
Antonio Pinna est istadu prèside e como est giornalista, s’est curadu de disabilidade in sos libros suos Il mio viaggio nella SLA (CUEC Editrice 2018) e La cura ai tempi del Covi-19 – Prendersi cura dei più fragili – Anziani, disabili e caregiver familiari nella pandemia (Maggioli, 2020). Est finas autore de sa monografia Antioco Zucca – Un filosofo sconosciuto (2D Editrice Meditarranea, 1992), de Poesie sms (Montedit, 2005) e de su libru autobiogràficu La pineta e il porto (MILLE, 2020).
(GF.P.)
