Un’oro e duas pratas pro su litzeu “Benedetto Croce” de Aristanis, chi cun duos de sos cursos suos pigat a su pòdiu in sa classìfica de su progetu Eduscopio de sa Fundatzione Agnelli.
A tenore de s’indicadore FGA impreadu in sa valutatzione, su litzeu linguìsticu “Benedetto Croce” – cun unu puntègiu de 59,4% - est essidu su primu de totu sa Sardigna in sa classìfica intre sas iscolas chi dant sa possibilidade de otènnere unu diploma ESABAC, vàlidu siat in Itàlia siat in Frantza. Resurtat su segundu intre sos litzeos linguìstico sardos, artziende de bator iscalinas sa classìfica (in su 2021/2022 fiat su de ses).
Segundu postu intre sas iscolas sardas finas pro su litzeu de Sièntzias Umanas chi, cun una pertzentuale de su 51,29%, artziat de unu puntu (fiat su de tres). Prus in bassu in classìfica, imbetzes, su cursu de Sièntzias Umanas cun sèberu EC. Sotziale, chi buscat su de chimbe postos ebbia.
Dae su 2014 Eduscopio ponet a cunfrontu sas iscolas de totu Itàlia – foras de sas cun sede in Aosta – impreende s’indicadore FGA chi analizat sos resurtados de sas matrìculas universitàrias pro passare sos esàmenes, e sos votos chi leant.
Dae sos istùdios, ebbia su 7 e su 9% de sos alunnos chi benint dae sos cursos linguìsticu e de sièntzias umanas de su “Benedetto Croce” tenet dificultade a superare su primu annu de universidade, in paragone a sas mèdias regionales de su 10 e 12%.
(GF.P.)
