II capìtulu: Su potere de su faeddu
Chenàbura 15 de trìulas, a sas 09.00 de sero (h.21.00) in su giardinu de su Tzentru Servìtzios Culturales, in sa carrera Carpaccio in Aristanis, ant a projetare su film La verità negata de Mick Jackson (USA, Gran Bretagna, 2016, 110').
Su film – In su 1996 David Irving, sagista britànnicu negatzionista e espertu de Adolf Hitler, at mòvidu una càusa de disfama contra de s'editore Penguin Books e s'acadèmica americana ebrea Deborah Lipstadt. S’istrutòria est istada longa e est acabbada in su 2000 cun unu protzessu de 4 meses fatu in Londra. Sos mègius avocados de su Regnu Unidu ant defensadu sa fèmina, imbetzes Irving at detzìdidu de si rapresentare a sa sola. Dae totu su chi est capitadu in su protzessu, in su 2005 Deborah Lipstadt at iscritu unu libru intituladu "Denial: Holocaust History on Trial" e dae custu libru Mick Jackson nde at fatu unu film.
(MM)
